DÜNYA


Gürcüstanın ali məktəblərində təhsil alan tələbələrin 34,9 faizi xarici ölkə vətəndaşlarıdır

Tbilisi, 16 aprel, AZƏRTAC

Gürcüstan ali məktəblərində 2017-2018-ci tədris ilində təhsil alan tələbələrin 34,9 faizi xarici ölkə vətəndaşlarıdır.

AZƏRTAC xəbər verir ki, bu barədə Gürcüstanın “Zelyonıy Kavkaz” qeyri-hökumət təşkilatının hesabatında məlumat verilir. Hesabat Gürcüstan Təhsilin Keyfiyyətli İnkişafı Milli Mərkəzinin məlumatları əsasında hazırlanıb.

Məlumata əsasən, 2017-2018-ci tədris ilində Gürcüstanın 56 ali təhsil müəssisəsində 89 ölkədən 10306 tələbə təhsil alır.

Xarici tələbələrin 18,4 faizi Yaxın Şərq ölkələrinin payına düşür.

Xarici ölkələr sırasında Azərbaycan, Türkiyə, Rusiya və Ermənistan üstünlük təşkil edir.

Hesabat “Multikultural Tbilisi bu gün” layihəsi əsasında hazırlanıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.