DÜNYA


Gürcüstanın xarici ticarəti birinci rübdə 0,3 faiz azalıb

Tbilisi, 13 aprel, AZƏRTAC

Gürcüstanın xarici ticarəti cari ilin birinci rübündə 0,3 faiz azalıb. İlin ilk 3 ayında Gürcüstan xarici ölkələrlə 2 milyard 773,5 milyon ABŞ dolları dəyərində ticarət əməliyyatı həyata keçirib.

AZƏRTAC xəbər verir ki, bu barədə Gürcüstanın Milli Statistika İdarəsinin hesabatında deyilir.

Bildirilir ki, yanvar-mart aylarında Gürcüstanın xarici ticarətdə ixracının dəyəri illik müqayisədə 5,3 faiz artaraq 821,1 milyon dollara çatıb. İdxalının dəyəri isə 2,4 faiz azalaraq 1 milyard 952,4 milyon dollar təşkil edib.

Gürcüstanın xarici ticarətində 1 milyard 131,4 milyon dollarlıq kəsir yaranıb ki, bunun da ümumi ticarət dövriyyəsindəki payı 40,8 faizdir.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.