SİYASƏT
Hazırda dünya növbəti erməni vəhşilikləri ilə üzləşir
İstanbul, 29 iyul, AZƏRTAC
Son günlər Ermənistan silahlı qüvvələri tərəfindən Azərbaycanın Tovuz rayonu istiqamətində, eləcə də dünyanın müxtəlif bölgələrindən ermənilər tərəfindən azərbaycanlılara və türklərə qarşı törədilən təxribatları şiddətlə qınayırıq.
Bu sözləri AZƏRTAC-a müsahibəsində İstanbul Türkiyə-Azərbaycan Dərnəyinin (İSTAD) sədri Səfər Qaraqoyunlu deyib.
Tarixboyu ermənilərin türk yurdlarında, o cümlədən Azərbaycan torpaqlarında gözü olduğunu deyən dərnək rəhbəri bildirib: "Dünya tarixinin hər dövründə erməni vəhşiliklərini görmək mümkündür. Onlar tərəfindən törədilən qətliamlar və soyqırımları göz qabağındadır. İstər Azərbaycan, istərsə də Türkiyədə bir sıra xalqların nümayəndələri ilə yanaşı, ermənilər də sülh və firavanlıq içərisində yaşayıblar. Bunu misal gətirərək deməliyəm ki, ermənilərin türk millətinə, o cümlədən azərbaycanlılara qarşı olan səbəbsiz nifrətlərini anlamaq çətindir.
Son hadisələr zamanı ermənilər tərəfindən yüksək rütbəli zabitlər də daxil olmaqla 12 hərbçimiz öldürüldü. Bundan sonra dünyanın müxtəlif şəhərlərində terror təşkilatının adı olan “ASALA” yazılı köynəklər geyinmiş nankor ermənilər azərbaycanlı və türk qardaşlarımıza hücumlar etdilər. Dünya ictimaiyyəti bu hücumların qarşısının alınması üçün birləşməlidir.
Vaxtilə əhalisinin 87 faizdən çoxunun türklərdən ibarət olduğu Ermənistan ərazisində bu gün ümumiyyətlə türk millətinin nümayəndələrinin yaşamadığını xatırladan S.Qaraqoyunlu deyib: “Vəhşilik ermənilərin qanında var. Onlar əsrlərboyu türklərə məxsus torpaqlara göz dikib, bizim ata-baba yurdlarımızı viran edib, soyqırımlar törədiblər. Bu gün Ermənistan ərazisində nəinki bir türkün yaşaması, oraya addım atması belə mümkün deyil. Buna baxmayaraq, hazırda Türkiyə ərazisində təxminən 150 min erməni yaşayır. Təbii ki, bu rəqəm Türkiyə vətəndaşı olan ermənilər deyil, müvəqqəti burada qalanların sayıdır. İndiyədək Türkiyədə yaşayan heç bir erməniyə düşmən münasibəti göstərilməyib. Əksinə, hər bir Türkiyə vətəndaşı kimi, onlar da bizimlə eyni hüquqlara sahibdirlər. Bu, bizim insani və multikultural dəyərlərə verdiyimiz qiymətin bariz nümunəsidir.
Lakin qeyd etdiyim kimi, Ermənistanda işsizlik və yoxsulluq səbəbilə Türkiyəyə üz tutan ermənilərin sayı 150 mindən çoxdur. Onların böyük əksəriyyəti Türkiyədə qanunsuz yollarla işləyir və ölkə iqtisadiyyatına zərər vururlar. Belə insanların ölkədən çıxarılmasını tələb etmək də bizim haqqımızdır. Dünya həqiqəti görmək və haqlı tərəfin yanında olmaq istəyirsə, əvvəlcə bu amillərə diqqət yetirməlidir”.
Hazırda dünyanın növbəti erməni vəhşilikləri ilə üzləşdiyini deyən dərnək rəhbəri bildirib: "İndi onlar dünyanın müxtəlif bölgələrində öz haqlarını, qədim Azərbaycan torpağı olan Qarabağdan Ermənistan silahlı qüvvələrinin çıxmasını tələb edən, eləcə də Xocalı, Ağdam, Füzuli və digər bölgələrdə ermənilər tərəfindən törədilən insanlığa sığmayan vəhşilikləri bir daha dünyaya çatdırmağa çalışan bacı və qardaşlarımıza hücumlar edirlər. Bu, ermənilərin əsl simasını bir daha göstərir. Dərnək olaraq biz bu vəhşilikləri şiddətlə qınayır və dünya ictimaiyyətini haqlı tərəfin yanında olmağa çağırırıq. Çünki nankor ermənilər tərəfindən arxadan növbəti zərbənin kimə endiriləcəyini bilmək çətindir”.
Günel Məlikova
AZƏRTAC-ın xüsusi müxbiri
İstanbul