DÜNYA


Hər yerdə bloklanan Donald Tramp öz sosial şəbəkəsini yaradır

Bakı, 21 oktyabr, AZƏRTAC

“Twitter”, “Тwitсh” və “Snарсhаt” servislərindəki hesabları bloklanan ABŞ-ın sabiq prezidenti Donald Tramp özünün “TRUTH Social” adlı sosial şəbəkəsinin fəaliyyətə başlayacağını elan edib.

AZƏRTAC “The Hill” nəşrinə istinadla xəbər verir ki, Donald Tramp bu sosial şəbəkə vasitəsilə “hamıya söz haqqı verəcəyi” üçün məmnun olduğunu deyib.

“Böyük texnologiyaların tiranlığına qarşı çıxmaq üçün “TRUTH Social” və TMTG (Trump Media & Technology Group) şirkətlərini qurdum. Biz “Twitter” şəbəkəsində “Taliban”ın böyük mövcudluğa malik olduğu, lakin sevimli Amerika prezidentinin susdurulduğu dünyada yaşayırıq. Bu, qəbuledilməzdir... Tezliklə sosial həqiqətlə bağlı fikirlərimi bölüşəcəyimə və böyük texnologiyalara qarşı mübarizə aparacağıma görə şadam”, - deyə ABŞ-ın sabiq lideri bildirib.

Qeyd edək ki, 2021-ci il yanvarın 6-da ABŞ-da baş verən iğtişaşlardan sonra Donald Trampın sosial media hesabları birdəfəlik bloklanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.