ELM VƏ TƏHSİL


“Həyat elmləri və biotibb jurnalı”nın yeni nömrəsi çapdan çıxıb

Bakı, 11 avqust, AZƏRTAC 

AMEA-nın Biologiya və Tibb Elmləri Bölməsinin rəsmi orqanı olan “Həyat elmləri və biotibb jurnalı”nın 2-ci (75) cildinin 1-ci nömrəsi çapdan çıxıb.

Akademiyadan AZƏRTAC-a bildirilib ki, jurnalda bütün məqalələr ingilis dilindədir. Nəşrin bu nömrəsi görkəmli alim, Azərbaycanda milli fiziologiya məktəbinin yaradıcısı, akademik Abdulla Qarayevin 110 illik yubileyinə həsr edilib. Vəsaitdəki ilk məqalə AMEA-nın akademik A.Qarayev adına Fiziologiya İnstitutunun direktoru, biologiya elmləri doktoru, professor Ulduz Həşimova tərəfindən təqdim olunub və görkəmli alimin həyat və fəaliyyətini, elmi nailiyyətlərini əks etdirir.

Nəfis şəkildə çap olunmuş jurnala ümumilikdə AMEA-nın institutlarında və respublikanın müxtəlif ali təhsil, elmi-tədqiqat müəssisələrində biologiya və tibb elmləri sahəsində aparılan araşdırmaların nəticələrini özündə əks etdirən 20 məqalə yer alıb.

Qeyd edək ki, respublikada həyat elmləri və biotibb sahələrində aparılan elmi-tədqiqat işlərinin nəticələrini daha geniş oxucu kütləsinə çatdırmaq, həmçinin nüfuzlu elmi bazalara daxil olmasını təmin etmək məqsədilə bu saydan etibarən jurnal yalnız ingilis dilində buraxılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.