ELM VƏ TƏHSİL


Hindistan Günəşin öyrənilməsi ilə bağlı kosmik stansiya quracaq

Bakı, 8 yanvar, AZƏRTAC

Hindistanın Kosmik Tədqiqatlar Təşkilatı 2020-ci ildə Günəşin tədqiqi üzrə “Aditya-L1” adlı kosmik stansiya qurmağı planlaşdırır. Bu barədə “OneIndia” xəbər portalı məlumat yayıb.

AZƏRTAC TASS informasiya agentliyinə istinadla xəbər verir ki, kosmik missiyanın təşkilində Banqalordakı Astrofizika İnstitutu, Punadakı Astronomiya və Astrofizika Universiteti Mərkəzi və ölkənin digər elmi mərkəzləri iştirak edirlər. Proqrama bir sıra özəl şirkətlər də cəlb olunub. Ekspedisiyanın başlıca məqsədi günəş tacının, xromosferin və müxtəlif spektrlərdə günəş şüalanmasının öyrənilməsidir. Alimlər “Aditya-L1” aparatının Günəş fizikasına aid bir sıra məsələlərə aydınlıq gətirəcəyinə ümid bəsləyirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.