MƏDƏNİYYƏT


Hollivudun “Technicolor şahzadəsi” dünyasını dəyişib

Bakı, 17 oktyabr, AZƏRTAC

Hollivudun görkəmli aktrisası Ronda Fleminq ömrünün 97-ci ilində Kaliforniyanın Santa Monika şəhərində dünyasını dəyişib.

AZƏRTAC “Elmundo” qəzetinə istinadla xəbər verir ki, bu barədə onun köməkçisi Karla Sapon məlumat verib. Bildirib ki, məftunedici kürənsaç və yaşıl gözlü amerikalı aktrisa “Technicolor şahzadəsi” adı ilə tanınırdı.

“Technicolor şahzadəsi” adı ağ-qara kinonun tədricən aradan qalxdığı zamanda aktrisanın hər dəfə yeni səhnələrə gəlişində saçlarının və gözlərinin təbii rənginə istinadən verilmişdi.

Model və aktrisa qızı olan Ronda Fleminq hələ iyirmi yaşı olarkən Alfred Hiçkokun “Spellbound” filmində ilk və əhəmiyyətli rolunu almışdı. Filmdə onunla İnqrid Börqman və Qreqori Pek çəkilmişlər.

Aktrisa məşhurluq qazandıqca sonradan “Out of the Past”, Binq Krosbi ilə birlikdə “A Connecticut Yankee in King Arthur's Court” musiqili komediyasına, Bört Lankaster və Kirk Duqlasla eyni səhnəni bölüşdüyü “Gunfight at the O.K.Corral” ekran əsərlərində çəkilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.