CƏMİYYƏT


İbrahim Məmmədov: Eyni vaxtda həm iqtisadi aktivliyi artırmalıyıq, həm də özümüzü qorumalıyıq

Bakı, 29 may, AZƏRTAC

Bu gün Nazirlər Kabineti yanında Operativ Qərargah martın sonlarından başlayan xüsusi karantin rejimindən tədrici çıxışın növbəti mərhələsini elan edir. Əvvəlki yumşaldılma qərarlarında olduğu kimi bu dəfə də ikipilləli qərar qəbul olunub. Yəni, bir tərəfdən karantin rejiminin müddəti iyunun 15-dək uzadılıb. O biri tərəfdən də onun şərtləri yumşaldılıb.

AZƏRTAC xəbər verir ki, bunu mayın 29-da Nazirlər Kabineti yanında Operativ Qərargahın təşkil etdiyi mətbuat konfransında Nazirlər Kabineti mətbuat xidmətinin rəhbəri İbrahim Məmmədov bildirib.

Onun sözlərinə görə, bu yanaşmanın bazası ondan ibarətdir ki, əmək fəaliyyəti, iqtisadi fəallıq mümkün qədər bərpa olunsun, eyni zamanda, insanların qapalı yerlərdə, çox sayda, uzun müddət toplaşması istisna edilsin. Eyni vaxtda həm iqtisadi aktivliyi artırmalıyıq, həm də özümüzü qorumalıyıq. Bu ikisini bir yerdə tətbiq etməyi öyrənməliyik. Bu zaman özümüzü həm xəstəlikdən qoruya biləcəyik, həm də karantin rejimi iqtisadi böhran vəziyyətinə keçməyəcək. Buna görə də vətəndaşların az sayda hərəkət və fəaliyyət azadlığına imkan verilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.