İQTİSADİYYAT


İlin dörd ayında Azərbaycan ilə Ukrayna arasında ticarət dövriyyəsinin həcmi 270 milyon dollara çatıb

Kiyev, 15 may, AZƏRTAC

Bu ilin yanvar-aprel aylarında Azərbaycan ilə Ukrayna arasında idxal-ixrac əməliyyatlarının həcmi 270 milyon dollara yaxın olub.

Ukrayna Dövlət Statistika Komitəsindən AZƏRTAC-a bildirilib ki, dörd ayda Azərbaycandan Ukraynaya 127,6 milyon dollarlıq məhsul ixrac olunub. Azərbaycanın Ukraynadan idxal etdiyi məhsulun dəyəri isə 142,1 milyon dollar təşkil edib.

Ukrayna Azərbaycan ilə ticarət dövriyyəsinin həcminə görə postsovet məkanında Rusiyadan sonra ikincidir. Ötən il Azərbaycan ilə Ukrayna arasında idxal-ixrac əməliyyatlarının həcmi 829 milyon dollar təşkil edib ki, bu da əvvəlki illə müqayisədə 18 milyon dollar çoxdur. Keçən il iki ölkə arasındakı ticarət dövriyyəsində son beş ilin ən yüksək göstəricisi qeydə alınıb.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.