DÜNYA


İndoneziyada müxalifətin etiraz aksiyalarına hazırlaşması səbəbindən vəziyyət gərginləşə bilər

Tokio, 20 may, AZƏRTAC

İndoneziyada müxalifətin etiraz aksiyalarına hazırlaşması səbəbindən vəziyyət gərginləşə bilər.

AZƏRTAC “The Straits Times” qəzetinə istinadla xəbər verir ki, prezident seçkilərinin nəticələrinin mayın 22-də gözlənilən elanından sonra etiraz etmək üçün müxalifətin tərəfdarları ölkənin müxtəlif şəhərlərindən Cakartaya toplaşmaqda davam edirlər. Bunun “İslamın müdafiəsi hərəkatı 212” təşkilatı tərəfindən idarə edildiyi bildirilir. Həmin təşkilat mayın 22-nə planlaşdırılan aksiyaları “konstitusiya cihadı” adlandırır.

Bununla yanaşı, qəzet qeyd edir ki, müxalifətin lideri olan Prabovo Subiantonun qərargahı bu məlumatı təksib edərək onların liderinin etirazlara rəhəbərlik etməyəcəyini bildirib.

İndoneziya polisi isə terror təhlükəsi barədə xəbərdarlıq edərək, kütləvi etirazlardan çəkinməyə çağırıb. Bu ayın əvvəlindən ölkədə 29 nəfərin, o cümlədən seçkilər zamanı terror aktı hazırlayan bir neçə şəxsin həbs edildiyini bildirilib.

Xatrıladaq ki, İndoneziyada ümumi seçkilər aprelin 17-də keçirilib. Seçicilər ölkə prezidentini, parlamentin iki palatasının deputatlarını, həmçinin yerli qanunvericiləri seçiblər. Ümumilikdə seçkilərdə 20 min yer uğrunda təqribən 240 min namizəd mübarizə aparıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.