İDMAN


İngiltərə Premyer Liqası: “Çelsi” öz meydançasında xal itirdi

Bakı, 13 yanvar, AZƏRTAC

İngiltərə Premyer Liqasının 23-cü turunda “Lester City” klubunu qəbul edən “Çelsi” rəqibin müqavimətini qıra bilməyib.

AZƏRTAC xəbər verir ki, öz meydançasında keçirdiyi son 7 oyunu qələbə ilə başa vuran “zadəganlar” mövqe üstünlüyünə malik olsalar da, qonaqların qapısına yol tapa bilməyiblər. Premyer Liqanın son iki çempionunun qarşılaşması 0:0 hesabı ilə başa çatıb.

Qonaq komandanın oyunçusu Ben Chilvell 68-ci dəqiqədə qırmızı vərəqə ilə cəzalandırılıb. “Lester City” 22 dəqiqə azlıqda oynasa da, qapısını toxunulmaz saxlaya bilib.

Xatırladaq ki, hazırda “Mançester City” 22 oyundan 62 xal toplayaraq turnir cədvəlinə başçılıq edir. “Mançester Yunayted” və “Çelsi” 47 xalla ikinci-üçüncü yerləri bölüşürlər. “Çelsi” öz rəqiblərinə nisbətən bir oyun çox keçirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.