DÜNYA


İran-İraq sərhədində terrorçu qruplaşma ilə sərhədçilər arasında silahlı toqquşma baş verib

Tehran 10 oktyabr AZƏRTAC

İran-İraq sərhədində terrorçu qruplaşma ilə sərhədçilər arasında silahlı toqquşma baş verib.

AZƏRTAC İran Sərhəd Xidmətinin yaydığı məlumata istinadən xəbər verir ki, İranın Kürdüstan vilayətinin Mərivan bölgəsində bir qrup silahlı terrorçu qanunsuz yollarla sərhədi keçib İran ərazisinə daxil olmağa cəhd ediblər. Lakin sərhədçilər sərhədi pozan silahlıları təqib ediblər. Aşkar olunduqlarını başa düşən terrorçular sərhədçiləri atəşə tutublar. Silahlı toqquşma nəticəsində 2 nəfər terrorçu yaralı olaraq ələ keçirilib, digərləri isə sərhədin dağlıq hissəsinə qaçaraq gizlənə biliblər. Atışmada bir İran sərhədçisi şəhid olub.

Qeyd edək ki, terrorçulara məxsus silah-sursat və partlayıcı maddələr də müsadirə olunub. Faktla bağlı araşdırma aparılır.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.