DÜNYA


İran öz neftini enerji birjasında satacaq

Bakı, 12 oktyabr, AZƏRTAC

İran öz neftini enerji birjasında satacaq.

AZƏRTAC xəbər verir ki, bu barədə İran Milli Neft Şirkəti məlumat yayıb.

Bildirilir ki, şirkət oktyabrın 22-dək İran Beynəlxalq Enerji Birjası vasitəsilə 1 milyon barrel xam neft satacaq. Enerji birjası vasitəsilə neft satışı üzrə ödənişlərin 20 faizi rial, 80 faizi isə digər valyuta növləri ilə həyata keçiriləcək. Neftin ən az 5 min ton və ya 35 min barrel olaraq satılacağı qeyd edilib.

İranın Ali Rəhbəri Ayətullah Əli Xamenei çıxışlarının birində ABŞ-ın sanksiyalarından ötəri neft satışında dəyişiklik ediləcəyini və özəl sektorun bu sahədə əsas rol oynamasının vacibliyini qeyd edib.

ABŞ noyabrın 5-dən etibarən İrana qarşı ikinci sanksiya paketini tətbiq etməyə başlayacaq. Birləşmiş Ştatlar İran Milli Neft Şirkətinə, İran Neft Ticarət Şirkətinə və Milli Tanker Şirkətinə sanksiyalar tətbiq etməyə hazırlaşır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.