DÜNYA


İranda 8 ton ehtiyatı olan qızıl mədəni aşkarlanıb

Tehran, 24 oktyabr, AZƏRTAC

İranın Sistan-Bəlucistan vilayətində 8 ton ehtiyatı olan qızıl mədəni aşkar edilib.

AZƏRTAC xəbər verir ki, bu barədə vilayət administrasiyasının nümayəndəsi Məndan Zəncənə deyib. O bildirib ki, aparılan kəşfiyyat işləri nəticəsində aşkar edilən mədənin yaxın vaxtlarda istismarına başlanacaq. Qızılın çıxarılması və dünya bazarına göndərilməsi üçün investisiyanın da zəruri olduğunu bildirən M.Zəncənə bu istiqamətdə işlərin həyata keçirildiyini qeyd edib.

Onun sözlərinə görə, Sistan-Bəlucistan vilayətində qızıl ilə yanaşı, titan və mis yataqları da mövcuddur. Mis yataqlarında 400 milyon tondan çox ehtiyat var.

Ümumiyyətlə son illər ərzində vilayətdə aparılan kəşfiyyat işləri nəticəsində 200 faydalı qazıntı mənbəyi aşkar edilib. Onlar yaxın zamanda istismar edilərək İran iqtisadiyyatının inkişafına yönəldiləcək.

Rabil Kətanov

AZƏRTAC-ın xüsusi müxbiri

Tehran

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.