DÜNYA


İranda İsrailə casusluq ittihamı ilə dörd nəfər ölüm cəzasına məhkum olunub

İranda İsrailə casusluq ittihamı ilə dörd nəfər ölüm cəzasına məhkum olunub

Bakı, 30 noyabr, AZƏRTAC

İranın Ali Məhkəməsi İsrailin xeyrinə casusluq və adam oğurluğu ittihamı ilə dörd nəfəri ölüm cəzasına məhkum edib.

AZƏRTAC Mehr agentliyinə istinadla xəbər verir ki, 2022-ci ilin iyun ayında İslam İnqilabı Keşikçiləri Korpusu İsraillə əlaqəsi olduğu iddia edilən cinayətkar qrupun üzvlərini həbs edib. İranın hakimiyyət orqanlarının məlumatına görə, həbs olunan cinayətkarlar şəxsi və ictimai əmlakı dağıdıb, insanları oğurlayıb və digər cinayətlər törədib.

Sonradan Ali Məhkəmə İsraillə “kəşfiyyat əməkdaşlığı” və adam oğurluğu ittihamı ilə dörd nəfər barəsində ölüm hökmü çıxarıb, üç nəfəri isə ölkənin təhlükəsizliyinə qarşı cinayətlər, adam oğurluğunda iştirak və qanunsuz silah saxlama maddələrinə əsasən beş ildən on ilədək azadlıqdan məhrum edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.