DÜNYA


İrandan ABŞ-a sərt bəyanat

Bakı, 4 dekabr, AZƏRTAC

İran Prezidenti Həsən Ruhani ölkəsinin neft ixracına dair ABŞ-a sərt xəbərdarlıq edib.

AZƏRTAC xarici KİV-lərə istinadla xəbər verir ki, İran Prezidenti ABŞ-ın ünvanına sərt bəyanat səsləndirib.

“ABŞ İranı neft satışından məhrum etməyi və dünya ilə ticarətini sonlandırmaqla bölgədə tək qoymağı hədəfləyir. Amerika dünya və bölgədəki ölkələrlə ticarətimizi dayandıra bilməz. ABŞ bilməlidir ki, biz neft satırıq və satmağa da davam edəcəyik. Rəsmi Vaşinqtonun gücü İran neftinin ixracını dayandırmağa yetməyəcək. Əgər bir gün ABŞ İranın neft ixracını tamamilə dayandırmaq istəsə Körfəzdən heç bir formada neft satılmayacağını da bilməlidir”, - deyə Həsən Ruhani bildirib.

Xatırladaq ki, ABŞ Prezidenti Donald Tramp mayın 8-də ölkəsinin nüvə razılaşmasından birtərəfli çıxdıqdan sonra İrana qarşı sanksiyalar tətbiq edəcəyini açıqlamışdı. Bundan sonra ABŞ Maliyyə Nazirliyi Birləşmiş Ştatların İrana qarşı sanksiyalarının 90 və 180 günlük ara ilə iki mərhələdən ibarət olacağını bildirmişdi. 90 gündən sonra ilk sanksiya paketi avqustun 7-də qüvvəyə minib. 180 gündən sonra, yəni noyabrın 5-dən ikinci sanksiya paketi tətbiq olunmağa başlayıb. Bu sanksiya İranın liman operatorları, yük və gəmiqayırma sektorunu, İran İslam Respublikasının Gəmiçilik Xətləri (IRISL Group), Cənub Gəmiçilik Xətti şirkətləri və digər əlaqədar təşkilatları, İran Milli Neft Şirkəti (NIOC) və Milli Tanker Şirkəti (NITC) daxil olmaqla İrandan neft, neft məhsulları və neft-kimya məhsullarının satışını, eləcə də maliyyə sektorunu hədəf alıb.

Sanksiyaların ikinci mərhələsi çərçivəsində İrandan neft idxalını əhəmiyyətli dərəcədə azaldan 8 ölkəyə - Türkiyə, Çin, Hindistan, Koreya Respublikası, İtaliya, Yunanıstan, Yaponiya və Tayvana 6 aylıq müvəqqəti güzəşt tətbiq olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.