İspaniya La Liqası: “Real Madrid” səfərdə minimal hesabla qələbə qazanıb

Bakı, 14 iyul, Nicat Məmmədov, AZƏRTAC

İyulun 13-də futbol üzrə İspaniya La Liqasının 36-cı turunun son oyunu keçirilib.

AZƏRTAC xəbər verir ki, turun son oyununda “Real Madrid” klubu səfərdə “Qranada” komandasının qonağı olub.

“Nuevo Los Carmenes” stadionunda keçirilən görüş Madrid təmsilçisinin minimal hesablı qələbəsi ilə başa çatıb - 2:1.

“Kral” klubun heyətində Ferland Mendi, Kərim Benzema fərqləniblər. “Qranada”nın yeganə qolunu isə Darvin Macis vurub.

Bu qələbədən sonra xal ehtiyatını 83-ə çatdıran “Real Madrid” turnir cədvəlində liderliyini davam etdirir. “Qranada” isə 50 xalla 10-cu yerdədir.