MƏDƏNİYYƏT


İstiqlal Muzeyində “Qürur mənbəyimiz” adlı musiqili bədii tədbir təşkil olunacaq

Bakı, 6 noyabr, AZƏRTAC

Noyabrın 7-də İstiqlal Muzeyində “Qürur mənbəyimiz” adlı musiqili bədii tədbir təşkil olunacaq.

Mədəniyyət Nazirliyindən AZƏRTAC-a bildirilib ki, tədbir Azərbaycan Respublikasının Dövlət Bayrağının qəbul edilməsinin 100-cü ildönümü münasibətilə keçiriləcək.

Tədbirdə Təhsil Nazirliyi Gənclərin Respublika bədii yaradıcılıq evinin tələbələrinin hazırladığı musiqili bədii proqram nümayiş etdiriləcək.

Qeyd edək ki, Azərbaycan Respublikasının Dövlət bayrağı 1918-ci il noyabrın 9-da Azərbaycan Xalq Cümhuriyyəti Hökumətinin iclasında qəbul edilib və 1920-ci ilin aprel ayınadək dövlət statusuna malik olub. Həmin bayraq 1990-cı il noyabrın 17-də Naxçıvan Muxtar Respublikası Ali Məclisinin sədri, xalqımızın ümummilli lideri Heydər Əliyevin təşəbbüsü və rəhbərliyi ilə keçirilən sessiyada Naxçıvan Muxtar Respublikasının dövlət bayrağı olaraq təsdiq edilib.

1991-ci il fevralın 5-də Azərbaycan Respublikasının Ali Soveti “Azərbaycan Respublikasının Dövlət bayrağı haqqında” Qanun qəbul edərək onu Dövlət bayrağı elan edib.

Azərbaycan Respublikasının Prezidenti İlham Əliyev 17 noyabr 2009-cu ildə imzaladığı Sərəncamla dövlət rəmzlərinə hörmət və ehtiramı təmin etmək məqsədilə hər il noyabr ayının 9-u Dövlət Bayrağı Günü kimi qeyd edilir.

Dövlət bayrağı günü ölkədə qeyri-iş günü olan bayramların siyahısına daxil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.