DÜNYA


İsveçdə yeni məhdudiyyətlər tətbiq edilir

Bakı, 13 yanvar, AZƏRTAC

İsveç səlahiyyətliləri yeni məhdudiyyətlər tətbiq edir.

Bu barədə AZƏRTAC “Turister” saytına istinadla xəbər verir.

İsveç radiosunun xəbərinə görə, ölkə səlahiyyətliləri COVID-19-a yoluxma hallarında rekord artım səbəbindən yeni məhdudiyyətlərin tətbiq edilməsini bəyan ediblər. Bu barədə İsveçin Baş naziri Maqdalena Andersson bildirib.

Yeni məhdudiyyətlər yanvarın 14-dən qüvvəyə minəcək. İşə götürənlər mümkün qədər əməkdaşı uzaqdan işləmə rejiminə keçirməlidir. Barlar və restoranlar saat 23:00-da bağlanacaq, bu yerlərdə bir masa arxasında səkkizdən çox insanın toplanması qadağan olunub. COVID-19 pasportları tətbiq edilməyən kütləvi tədbirlərin iştirakçılarının sayı 50 nəfərlə məhdudlaşdırılır. Yeni məhdudiyyətlər təxminən bir ay müddətinə tətbiq edilib.

Anderssonun sözlərinə görə, hazırda koronavirus ölkədə rekord templə yayılır, səhiyyə sisteminə çox böyük yük düşür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.