DÜNYA


İsveçrədə koronavirusa ilk yoluxma halı rəsmən təsdiqlənib

Bern, 26 fevral, AZƏRTAC 

İsveçrənin Tessin kantonunda bir nəfərin yeni növ koronavirusa yoluxması rəsmən təsdiqlənib. Bununla da COVID-19 virusunun yayıldığı ölkələr siyahısına İsveçrə də əlavə olunub.

AZƏRTAC xəbər verir ki, 70 yaşlı şəxs fevralın 15-də İtaliyanın Milan şəhəri yaxınlığında bir toplantıya qatıldığını və bir neçə gün sonra özündə xəstəliyin ilk əlamətlərini hiss etdiyini bildirib. Ailə üzvlərinin də Luqano şəhərində karantin altına alındığı pasiyentin səhhəti qənaətbəxş hesab olunur.

Şimali İtaliya ilə həmsərhəd regionlarda sərhədləri bağlamayan İsveçrədə yaxın müddətdə növbəti yoluxma hallarının qeydiyyata alınacağı istisna edilmir. Federal səhiyyə orqanlarının məlumatına görə, hazırda virusa yoluxmada şübhəli bilinən yetmiş nəfərdən götürülən analizlər müayinədən keçirilir.

 

Elgün Niftəli

AZƏRTAC-ın xüsusi müxbiri

Bern

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.