MƏDƏNİYYƏT


İtaliyanın turizm xəbərləri jurnalında ölkəmiz haqqında yazı dərc olunub

Roma, 28 yanvar, AZƏRTAC

İtaliyanın turizm xəbərləri jurnalı olan “Latitudes”də ölkəmizin turizmi və turizm bələdçiləri haqqında məlumatların yer aldığı “Azərbaycan” bələdçi-kitabı barədə yazı dərc olunub.

AZƏRTAC xəbər verir ki, İtaliyanın “Polaris” nəşriyyatında işıq üzü görən, müəllifləri məşhur fotojurnalist Françesko Neri və jurnalist Djuzi Palumbo olan bələdçi-kitabı ölkəmizin ən gözəl guşələrini həm yazılı, həm də fotolarla əks etdirir: “Azərbaycan bizi öz köklərimizə qaytarır, içində qorunması lazım olan bir miras, açılması gərəkən çox sirlər var. Qalan hər şey coğrafiyadan asılıdır, buna görə də Azərbaycanın ziddiyyətlər ölkəsi olması təəccüblü deyil: yarımsəhralar və futuristik göydələnlər, ucqar kəndlər və müasir şəhərlər, ipək örtüklər və yüksək topuqlar, qədim xalq ənənələri və yeni təcrübələr. Və burada odun qorunması aliliyi hökm sürür, əbəs yerə bura odlar yurdu demirlər”, - yazıda belə deyilir.

Daha sonra məqalədə görməli-gəzməli məkanlar barədə məlumat verilir. Yazıda İpək yolu ölkələrindən biri olan Azərbaycanın hər daşında böyük bir tarixin olduğu da vurğulanır.

Aygün Əliyeva

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.