İyul ayında həftəsonları metro və avtobusların fəaliyyəti dayandırılacaq

Bakı, 22 iyun, AZƏRTAC

Nazirlər Kabineti xüsusi karantin rejimində ictimai nəqliyyatın fəaliyyəti ilə bağlı qərar qəbul edib.

AZƏRTAC xəbər verir ki, qərara əsasən, bu il iyulun 4-ü saat 00:00-dan iyulun 5-i saat 06:00-dək, iyulun 10-u saat 00:00-dan iyulun 12-si saat 06:00-dək, iyulun 17-si saat 00:00-dan iyulun 19-u saat 06:00-dək, iyulun 24-ü saat 00:00-dan iyulun 26-sı saat 06:00-dək, iyulun 31-i saat 00:00-dan avqustun 1-i saat 06:00-dək ictimai nəqliyyatda, həmçinin Bakı Metropolitenində sərnişindaşıma fəaliyyəti dayandırılır.