DÜNYA


KİV: “Huawei” şirkətinin maliyyə direktorunun həbsi 5G-nin inkişafını ləngidə bilər

Bakı, 7 dekabr, AZƏRTAC

“Huawei” kompaniyasının maliyyə direktoru və direktorlar şurasının sədr müavini Men Vancounun ABŞ-ın sifarişi ilə Kanadada həbs olunması dünyada 5G texnologiyasının inkişafını ləngidə bilər.

AZƏRTAC TASS informasiya agentliyinə istinadla xəbər verir ki, insident bütün dünyada kompaniya təchizatçılarının aksiyalarının kəskin ucuzlaşması ilə nəticələnib.

“Counterpoint Technology Market Research” kompaniyasının tədqiqatlar üzrə direktoru Ceyms Yanın sözlərinə görə, “Huawei” dünya elektronika sənayesində geniş təmsil olunduğu üçün ona dəyən istənilən zərər həmin sahəyə də ciddi mənfi təsir göstərəcək.

Qeyd edək ki, “Huawei” kompaniyası dünyanın 170-dən artıq ölkəsində məhsul və xidmətləri ilə təmsil olunur.

Analitiklərin fikrincə, Men Vancounun həbsi bənzərsiz hadisədir. Belə ki, o, sadəcə, top-menecer və şirkətin mümkün gələcək rəhbəri deyil, “Huawei”nin banisi və Çin milyarderi Jen Cenfeyin qızıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.