DÜNYA


Kaliforniyanda təbiət yanğınları səbəbindən 20 min insan təxliyə olunub

Bakı, 10 avqust, AZƏRTAC

ABŞ-ın Kaliforniya ştatının hakimiyyət orqanları təbiət yanğınların tüğyan etdiyi Riversayd və Oranc dairələrindən 20 min insanın təxliyə olunmasına qərar verib.

AZƏRTAC Interfax informasiya agentliyinə istinadla xəbər verir ki, Kaliforniya qubernatoru Cerri Braun hər iki dairənin ərazisində fövqəladə vəziyyət rejimi elan edib. O, alovun minlərlə evə təhlükə yaratdığını bildirib və əhalini təhlükəli zonalardan uzaqlaşmağa çağırıb.

Kaliforniyada bir neçə həftədir davam edən yanğınlar nəticəsində azı 10 nəfərin həlak olduğu barədə məlumat yayılıb. Ştat hökumətinin məlumatına əsasən, “Holi” adı verilən yanğın artıq 4 min hektar əraziyə yayılıb. İsti hava şəraiti və quraqlıq, həmçinin güclü külək yanğının söndürülməsi əməliyyatlarını çətinləşdirir.

Bu gün yerli məhkəmədə yanğını törətməkdə ittiham edilən 51 yaşlı Forrest Klarkın məhkəməsi başlayacaq. Günahı sübut olunacağı təqdirdə onu ömürlük həbs cəzası gözləyir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.