İDMAN


Kişi şahmatçılar arasında keçiriləcək iddiaçılar turnirinin mükafat fondu 500 min avro olacaq

Bakı, 7 mart, AZƏRTAC

2020-ci ildə şahmat üzrə kişilər arasında keçiriləcək iddiaçılar turnirinin mükafat fondu 500 min avro təşkil edəcək.

AZƏRTAC TASS informasiya agentliyinə istinadla xəbər verir ki, bu barədə FIDE-nin prezident şurasında qərar qəbul edilib.

Astanada keçirilən iclasda FIDE və dörd kontinental şahmat assosiasiyası arasında əməkdaşlıq müqavilələri imzalanıb. İclasda, həmçinin şahmatın inkişafı istiqamətində həyata keçirilən layihələrə dəstək üçün hər il 300 min avro vəsaitin ayrılması qərara alınıb. Şura üzvləri oyunların qaydaları və s. məsələlərlə bağlı xüsusi komissiyanın yaradılmasını təklif ediblər. Bu məsələlərin həllinə dair qərarlar sonrakı iclaslarda qəbul ediləcək.

Ötən il Berlində keçirilən iddiaçılar turnirinin mükafat fondu 420 min avro idi. Yarışların qalibi adına amerikalı qrossmeyster Fabiano Karuana layiq görülmüşdü.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.