MƏDƏNİYYƏT


Kitabxanada “Şuşa dağlarının Xanı” adlı videoçarx hazırlanıb

Bakı, 5 dekabr, AZƏRTAC

Bakı Şəhər Mədəniyyət Baş İdarəsinin Yasamal rayon Mərkəzləşdirilmiş Kitabxana Sisteminin (MKS) Mirzə Şəfi Vazeh adına Mərkəzi Kitabxanasında görkəmli muğam ustası, Xalq artisti Xan Şuşinskiyə həsr olunmuş videoçarx hazırlanıb.

Kitabxanadan AZƏRTAC-a bildirilib ki, videoçarxda ustad sənətkarın fotoları, həyat və yaradıcılığından səhifələr əks olunub. Xan Şuşinskinin ifasında səslənən “Şuşanın dağları” və “Qaçaq Nəbi” mahnıları videoçarxın fon musiqisi olaraq seçilib.

Videoçarxda Xan Şuşinskinin adına 2014-cü ildə buraxılmış Azərbaycan poçt markasını da görmək olar. Burada görkəmli sənətkara həsir edilmiş ədəbi nümunələrə, şeirlərə və sənədli filmlərə də yer verilib. Videoçarxa, həmçinin “O, olmasın, bu olsun” filminin qonaqlıq səhnəsində Xan əminin ifası etdiyi "Kürd-Şahnaz" muğamı da daxil edilib.

Qeyd edək ki, “Yubileylər silsiləsi” layihəsi davam edir. Layihənin rəhbəri Yasamal rayon MKS-nin direktoru, UNESCO-nun “İnformasiya hamı üçün” Proqramının Azərbaycan Komitəsinin sədri Lətifə Məmmədova, əlaqələndiricisi Təranə Heydərovadır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.