REGİONLAR


Kürdəmirdə 50 min hektar sahədə payızlıq taxıl səpini gözlənilir

Kürdəmir, 11 oktyabr, AZƏRTAC

Kürdəmir taxılçıları payızlıq əkin kampaniyasına başlayıblar və son günlər havaların əlverişsiz keçməyinə baxmayaraq, qısa vaxtda 1300 hektar sahədə səpin aparılıb.

Rayon Dövlət Aqrar İnkişaf Mərkəzinin bitkiçilik sektorunun müdiri Qorxmaz Şükürov AZƏRTAC-ın bölgə müxbirinə bildirib ki, payızlıq taxıl əkininə hər gün 25-dən çox taxılsəpən texnika çıxarılır və yaxın günlərə onların sayı artırılacaq. Hazırda hər yerdə ilkin olaraq arpa səpilir və əsasən yerli şərait üçün daha əlverişli olan “Qarabağ-33”, “Qarabağ-22” sortlarından istifadə olunur. Taxılçılıqla məşğul olan fermerlər və fiziki şəxslər tərəfindən kifayət qədər istər arpa, istərsə də buğda toxumları tədarük olunub.

Qeyd edək ki, builki payızda Kürdəmirdə 50 min hektar sahədə taxıl əkiləcəyi proqnozlaşdırılır. Hazırda bütün ərazilərdə, xüsusilə daha çox taxıl əkilən Qarasu, Qocalı, Qarasaqqal, Karrar, Cəli və bir sıra digər ərazi dairələrində səpin sürətlə və mütəşəkkil aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.