CƏMİYYƏT


Lənkəranda avtomobil qaçıran şəxsdən metamfetamin və heroin aşkarlanıb

Bakı, 6 avqust, AZƏRTAC 

Lənkəran Şəhər Rayon Polis Şöbəsinə avqustun 1-nə keçən gecə Liman şəhəri ərazisindən şəhər sakini Ə.Məstiyevə məxsus “VAZ-2107” markalı avtomobilin qaçırılması barədə müraciət daxil olub.

Daxili İşlər Nazirliyinin mətbuat xidmətindən AZƏRTAC-a bildiriblər ki, müraciətlə əlaqədar dərhal polis əməkdaşları tərəfindən müvafiq tədbirlər həyata keçirilib.

Nəqliyyat vasitəsini qaçırmaqda şübhəli bilinən Füzuli rayon sakini, əvvəllər məhkum olunmuş İ.Aslanov əməliyyat-axtarış tədbirləri nəticəsində müəyyən edilərək saxlanılıb. Şəxsi axtarış zamanı ondan metamfetamin və heroin aşkar edilərək götürülüb.

Davam etdirilən tədbirlərlə avtomobil Beyləqan rayon sakini, əvvəllər məhkum olunmuş V.Hüseynlinin yaşadığı evin həyətində sökülmüş vəziyyətdə tapılıb və polis əməkdaşları tərəfindən V.Hüseynli ilə birgə Lənkəran Şəhər Rayon Polis Şöbəsinə təhvil verilib.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.