REGİONLAR


Lerik və Yardımlı rayonlarının yüksək dağlıq ərazilərinə qar yağıb

Lerik, 20 noyabr, Bağır Əliyev, AZƏRTAC

Ölkəmizin cənub bölgəsinə yağan aramsız yağışlar Lerik və Yardımlı rayonlarının yüksək dağlıq ərazilərində qarla müşayiət olunub.

Lerik Rayon Fövqəladə Hallar Komissiyasının sədri Habil Məlikovun AZƏRTAC-ın bölgə müxbirinə verdiyi məlumata əsasən, rayonun Kələxan, Qosmaliyan, Mistan, Orand və Pirəsurə icra nümayəndəliklərinin ərazində yerləşən kəndlərə qar yağıb. Qarın hündürlüyü yüksək dağlıq ərazilərdə 5-10 santimetr təşkil edir.

Yardımlı rayonunun Arvana və Allar dağlarına yağan qarın hündürlüyü isə 5-10 santimetr təşkil edir.

Kəskin hava şəraitinə baxmayaraq, hər iki rayonun yaşayış məntəqələrində əhaliyə elektrik enerjisinin verilməsində, təbii qaz təchizatında, nəqliyyat vasitələrinin hərəkətində hər hansı bir problem olmayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.