DÜNYA


Liviya səhrasında çoxlu sayda cəsəd tapılıb

Qahirə, 1 iyul, AZƏRTAC

Liviyanın Çad və Niger sərhədindəki səhrada 30 qeyri-leqal miqrantın cəsədi tapılıb.

AZƏRTAC “Əl Ərəbiyə” telekanalına istinadla xəbər verir ki, Liviya səhrasında – Kufra şəhərindən 320 kilometr aralıda 20 miqrantın cəsədini magistral avtomobil yolundan keçən yük maşını sürücüsü aşkar edib. Hadisə yerinə gələn təcili tibbi yardım briqadasının həkimi onların 15 gün əvvəl aclıq və susuzluqdan öldüklərini müəyyən edib.

Nigerin Müdafiə Nazirliyi isə əsgərlərin Liviya səhrasında – Dirkou şəhərindən 30 kilometr aralıda 10 miqrantın cəsədini aşkar etdiyi barədə məlumat yayıb. İstintaqçılar güman edirlər ki, onlar insan alverçiləri tərəfindən tərk edilib və səhrada həyatlarını itiriblər. Dirkou şəhəri Liviyanın Aralıq dənizi sahilinə və oradan da Avropaya miqrant, silah və narkotik qaçaqmalçılığının əsas məntəqələrindən biri sayılır.

Bu ölkələrin təhlükəsizlik xidmətləri son illər insan alverinin qarşısını almaq üçün avtomobil yollarında ciddi yoxlamalar aparır və bu səbəbdən qaçaqmalçılar təhlükəli səhra marşrutunu seçirlər.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.