AZƏRTAC-ın Tehrandan aldığı xəbərdə deyilir ki, İranın şimal-qərbindəki Sərdəşt şəhərciyinin 15 kilometrliyində yerləşən Həlvi kəndinin sakini Məryəm Məhəmməd Purun 130 yaşı tamam olmuşdur. Bu yaşda olmasına baxmayaraq, Məryəm nənə özünü gümrah hiss edir, ev-eşik işləri ilə, təsərrüfatla özü məşğul olur. Gülərüzlüyü və nikbinliyi ilə diqqəti cəlb edən nənənin iki övladı, yeddi nəvəsi, 36 nəticəsi və 11 kötükcəsi var.

Məryəm nənə deyir ki, ömrü boyu həkimlərə müraciət etməyib, dava-dərman nə olduğunu bilməyib, çox yaşamasının sirrini halal zəhmətdə, paxıl olmamaqda görür. Deyir ki, yaşının çoxluğunu yalnız yüzü haqladıqda hiss etmişdir. O, uzunömürlülüyünün daha bir sirrini kəndin təmiz havasında və öz bostanında yetişdirdiyi məhsullarda görür.