DÜNYA


Macarıstanda mikroavtobus yük avtomobili ilə toqquşub, 9 nəfər həlak olub

Bakı, 23 may, AZƏRTAC

Macarıstanda Rumıniyadan gələn mikroavtobus yük maşını ilə toqquşub, nəticədə azı 9 nəfər həlak olub. Onlardan dördünün şəxsiyyəti artıq müəyyən edilib.

AZƏRTAC xarici KİV-lərə istinadla xəbər verir ki, bu barədə Rumıniya Xarici İşlər Nazirliyinin mətbuat xidməti məlumat yayıb.

Yol-nəqliyyat hadisəsi mayın 23-nə keçən gecə Budapeştdən 60 kilometr məsafədə qeydə alınıb. İlkin məlumata görə, sürücü sürət həddini aşıb, idarəetməni itirib və qarşı hərəkət zolağına çıxaraq yük avtomobili ilə toqquşub.

XİN-in məlumatına əsasən, cəsədlər morqa aparılıb və həlak olanların şəxsiyyətinin müəyyən edilməsi üçün DNK analizi keçiriləcək. Hazırda şəxsiyyəti müəyyənləşdirilmiş dörd nəfərin Rumıniya vətəndaşı olduğu bildirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.