DÜNYA


Madrid otellərində qiymətlər Çempionlar Liqasının finalına görə kəskin artıb

Madrid, 17 may, AZƏRTAC 

Madridin “Real” klubunun stadionu iyunun 1-də “Liverpul” və “Tottenhem” arasında Çempionlar Liqasının final matçını qəbul edəcək. AZƏRTAC daşınmaz əmlak haqqında “Idealista” portalına istinadla xəbər verir ki, bununla əlaqədar olaraq İspaniya paytaxtının otellərində qiymətlər təqribən 10 dəfə bahalaşıb.

Belə günlərdə Madrid mehmanxanalarında bir gecə qalmağın qiymətləri 1300 avrodan aşağı olmur. Gözlənildiyinə görə, Madridə 34 min britaniyalı gələcək. Lakin bu, rəsmi rəqəmdir. Əslində, İspaniya paytaxtı xeyli çox futbol fanatı qəbul etməyə hazırlaşır.

Üçulduzlu mehmanxanalarda həmin günlər üçün yerlərin hamısı tutulub.

Madrid sakinləri də azarkeşlər hesabına varlanmaq fürsətini əldən vermirlər. Bir gecə üçün 1000 avrodan ucuz mənzil tapmaq qeyri-mümkündür.

Stadionun yerləşdiyi rayondakı evlər bir gecə üçün 12 min avroya kirayə verilir. İyunun ilk günləri üçün qiymətlər başqa rayonlarda və hətta ətraf qəsəbələrdə də kəskin artıb.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.