ELM VƏ TƏHSİL


Magistratura üzrə respublika birincisi UNEC-i seçib

Bakı, 13 iyul, AZƏRTAC

Magistraturaya qəbul imtahanlarında respublika üzrə ən yüksək bal toplayan tələbə 2018/2019-cu tədris ili üçün Azərbaycan Dövlət İqtisad Universitetini (UNEC) seçib.

Universitetdən AZƏRTAC-a bildirilib k, UNEC-in Beynəlxalq Magistratura və Doktorantura Mərkəzinə (BMDM) maliyyə menecmenti ixtisası üzrə qəbul olan Bəxtiyar Zeynalov imtahanlarda 138 bal toplayaraq respublika birincisi olub.

Ötən tədris ilində magistratura pilləsinə keçirilən qəbul imtahanlarında ölkə üzrə ən yüksək nəticə göstərən ilk 20 tələbənin də məhz UNEC-də təhsil aldığını vurğulayan B.Zeynalov ixtisası üzrə keyfiyyətli magistr təhsili üçün UNEC-i seçməklə doğru addım atdığına əminliyini bildirib: “Mənimlə yanaşı, 11 tələbə yoldaşım da UNEC-ə qəbul olub. İnanıram ki, magistr təhsilini bu universitetdə davam etdirmək hər birimiz üçün uğurlu olacaq”.

Qeyd edək ki, BMDM-ə 2018-2019-cu tədris ili üçün magistr qəbulu birinci mərhələdə 98 faizlə yerinə yetirilib. On bir ixtisas 39 ixtisaslaşma üzrə Azərbaycan, ingilis, rus və türk dillərində tədris həyata keçirən BMDM ali təhsilin magistratura pilləsi üzrə yeni təhsil standartlarının modernləşdirilməsinin təşəbbüskarı olmaqla yanaşı, bu standartlarla ölkəmizdə fəaliyyət göstərən ilk mərkəzdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.