ELM VƏ TƏHSİL


Magistraturaya qəbul olunanların qeydiyyatı ilə bağlı alternativ mərkəzlər yaradılıb

Bakı, 16 iyul, AZƏRTAC

İyulun 16-dan ali təhsilin magistratura səviyyəsi üzrə təhsil müəssisələrinə elektron qeydiyyat prosesinə dəstək olmaq üçün alternativ qeydiyyat mərkəzləri fəaliyyət göstərəcək.

Təhsil Nazirliyindən AZƏRTAC-a bildirilib ki, alternativ qeydiyyat mərkəzlərinin yaradılmasında məqsəd tələbələrə yaradılan imkanların genişləndirilməsidir.

Alternativ qeydiyyat mərkəzləri aşağıdakı ünvanlarda yaradılıb:

- Bakı şəhər Nərimanov rayonu 39 nömrəli tam orta məktəb - A.Molla Cümə küçəsi, 24;

- Bakı şəhər Yasamal rayonu 53 nömrəli tam orta məktəb - Z.Xəlilov küçəsi, 35;

- Bakı şəhər Yasamal rayonu 225 nömrəli tam orta məktəb - Ə.Ələkbərov küçəsi, 507/511;

- Bakı şəhər Səbail rayonu 7 nömrəli tam orta məktəb - Ü.Hacıbəyli küçəsi, 28;

- Sumqayıt şəhər 36 nömrəli tam orta məktəb (yeni binası) - 20 Yanvar küçəsi, 14/6;

- Abşeron rayonu Xırdalan şəhər 3 nömrəli məktəb-lisey - Xırdalan şəhəri, M.Hüseynzadə küçəsi;

- Gəncə şəhər 1 nömrəli tam orta məktəb - İ.Qayıbov küçəsi, 2.

Alternativ qeydiyyat mərkəzlərinin bayram günlərində də fəaliyyəti nəzərdə tutulur.

Qeyd edək ki, ali təhsilin magistratura səviyyəsi üzrə təhsil müəssisələrinə elektron qeydiyyat prosesi iyulun 22-dək davam edəcək. Müraciət üçün portal.edu.az portalında qeydiyyatdan keçdikdən və yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsil müəssisələrinə təhsilalan qeydiyyatı” xidmətini seçmək lazımdır.

Qeydiyyatla bağlı suallar yaranarsa, 146 “Qaynar xətt” nömrəsinə də müraciət etmək mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.