SİYASƏT


Maksim Şevçenko: Mənim nəzərimdə Azərbaycan mədəniyyətin, beynəlxalq hüququn və ədalətin dayağı olub, bu gün də belədir, sabah da belə olacaq

Moskva, 28 may, AZƏRTAC

Mənim nəzərimdə Azərbaycan mədəniyyətin, beynəlxalq hüququn və ədalətin dayağı olub, bu gün də belədir, sabah da belə olacaq.

AZƏRTAC xəbər verir ki, rusiyalı politoloq, jurnalist, televiziya aparıcısı və ictimai xadim Maksim Şevçenko bu fikri jurnalistlərlə söhbətində səsləndirib. O, Azərbaycan xalqını Müstəqillik Günü münasibətilə təbrik edib.

M.Şevçenko Azərbaycan və Ermənistan arasında sülhün perspektivləri məsələsinə də toxunub. O, əmin olduğunu bildirib ki, Ermənistan cəmiyyətində insanların böyük əksəriyyəti müharibə istəmir, Türkiyə və Azərbaycanla Ermənistan arasında sülhün bərpa olunmasını arzu edirlər. Politoloq deyib: "Biz görürük ki, Azərbaycan və Türkiyə ilə sülh şəraitində yaşamaq istəyi Rusiya, ABŞ və Fransadakı erməni diasporlarının mövqeyini deyil, məhz erməni xalqının iradəsini ifadə edir. Ermənistan xalqı müharibə istəmir. Mən bilirəm ki, Ermənistanda yaşayan ermənilərin çoxu sülh istəyir, onlar erməni mənşəli Moskva, Fransa və Qarabağ oliqarxlarının maraqları yolunda ölməyi əsla istəmirlər”.

Maksim Şevçenkonun fikrincə, Ermənistan-Azərbaycan sərhədinin delimitasiyası — Cənubi Qafqazda sülhün bərqərar olması üçün zəruri şərtdir.

Fəridə Abdullayeva

AZƏRTAC-ın xüsusi müxbiri

Moskva 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.