İDMAN


Marko Verratti “Mançester Yunayted” ilə oyunda iştirak etməyə bilər

Bakı, 7 fevral, AZƏRTAC

Fransanın “Paris Sen-Jermen” futbol klubunun yarımmüdafiəçisi Marko Verratti UEFA Çempionlar Liqasının səkkizdəbir final mərhələsində “Mançester Yunayted” ilə qarşılaşmada meydana çıxmaya bilər.

AZƏRTAC klubun saytına istinadla xəbər verir ki, buna 26 yaşlı yarımmüdafiəçinin məşq zamanı zədələnməsi səbəb olub.

Paris klubunun baş məşqçisi Tomas Tuxel Fransa mətbuatına açıqlamasında bildirib ki, Verratti sonuncu məşqi tamamlaya bilməyib.

Xatırladaq ki, “Paris Sen-Jermen”in digər futbolçusu Neymar yanvar 23-də Fransa Kubokunun onaltıdabir final mərhələsində “Strasburq” ilə oyunda zədələndiyi üçün on həftə yaşıl meydandan uzaqda qalacaq.

“Mançester Yunayted” və “Paris Sen-Jermen” klubları arasında qarşılaşma fevralın 12-də Bakı vaxtı ilə gecə saat 12-də başlayacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.