REGİONLAR


Masallıda yeniyetmə və gənclərin əl işlərindən ibarət sərgisi açılıb

Masallı, 11 iyun, Bağır Əliyev, AZƏRTAC

Masallı Rayon Heydər Əliyev Mərkəzinin təşkilatçılığı ilə açıq havada 15 İyun - Milli Qurtuluş Gününə həsr olunmuş "Doğma yurdum Azərbaycan” mövzusunda istedadlı yeniyetmə və gənclərin əl işlərindən ibarət sərgisi təşkil olunub.

AZƏRTAC-ın bölgə müxbiri xəbər verir ki, açılış mərasimində Azərbaycanın ərazi bütövlüyü uğrunda şəhid olanların xatirəsi bir dəqiqəlik sükutla yad edilib.

Sərgidə Masallı İncəsənət Məktəbinin, Rayon Rəsm Qalereyasının və digər təhsil müəssisələrinin yeniyetmə və gənc rəssamlarının müxtəlif mövzuda işlənmiş rəsmləri və əl işləri nümayiş olunub. Həmçinin gənc fırça ustalarının kətan üzərindəki rəsm prosesi böyük maraqla izlənilib.

Masallı İncəsənət Məktəbinin şagirdləri mərasimdə maraqlı musiqi nömrələri ilə çıxış ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.