REGİONLAR


Masallıdan olan Qarabağ müharibəsi veteranı: Düşmənin bağrına dəhşətli vahimə salmışıq

Masallı, 30 sentyabr, Bağır Əliyev, AZƏRTAC

Sarsılmaz daxili sabitliyi, xalq-iqtidar birliyi, yenilməz ordusu olan Azərbaycan işğal olunmuş torpaqlarını geri qaytarmaq iqtidarındadır. Zəfər yürüşünə qalxan Azərbaycan əsgərini yolundan sapdırmaq qeyri-mümkündür.

Bu sözləri AZƏRTAC-ın bölgə müxbirinə Masallı rayonunun 58 yaşlı sakini, Qarabağ müharibəsi veteranı Cəmil Məmmədov deyib.

O bildirib ki, Ermənistan silahlı qüvvələrinin yaşayış məntəqələrimizi, təmas xətti boyunca mülki əhalini artilleriya qurğularından intensiv atəşə tutması birinci dəfə deyil. Təcavüzkar qonşularımız dəfələrlə belə əməllər törədib, qoca, qadın, azyaşlı uşaqlara qarşı vəhşiliklər edib. Bu, qüdrətli ordumuzun sarsıdıcı zərbələrinə tab gətirməyən, müharibə qaydalarına əməl etməyən işğalçıların düşdüyü çarəsiz durumun göstəricisidir.

Ehtiyatda olan zabit daha sonra deyib: “Artıq 4 gündür ki, müzəffər ordumuz Ermənistanın bütün cəbhə boyu genişmiqyaslı təxribatlarının qarşısını qətiyyətlə alır, layiqli cavablarını verir. Düşmənə sarsıdıcı zərbələr endirən yenilməz Azərbaycan əsgəri işğal olunan torpaqlarımızın geri alınmasında israrlıdır.

Biz öz torpaqlarımızı işğaldan azad etməklə şəhid olmuş, qan tökmüş neçə-neçə igid oğul-qızlarımızın ruhunu şad etmək arzusundayıq.

Azərbaycan Prezidentinin vurğuladığı kimi, “Biz onlara 2016-cı ildə, 2018-ci ildə, bu ilin iyul ayında dərs verdik. Amma görünür ki, bu, onlar üçün dərs olmadı. Bu dəfə də dərs veririk və verəcəyik. Bu gün şanlı Azərbaycan Ordusu böyük uğurla əks-hücum əməliyyatı keçirir və bu əməliyyat davam edir”.

Ali Baş Komandanın qətiyyətli mövqeyi, ordumuzun misilsiz uğurlarından hədsiz sevincini ifadə edən Cəmil Məmmədov diqqətə çatdırıb ki, acınacaqlı durumda ikən yalan və məkrli niyyətlərindən bir an əl çəkməyən məzlum görkəmli düşmənin bağrına dəhşətli vahimə salmışıq.

Bu gün düşməni anbaan əzərək irəli addımlayan rəşadətli Ordumuzun qadir olduğu tarixi qələbəmizin uzaqda olmadığına tam əminik. Əminik ki, bu müqəddəs savaşda övladlarımızla birgə əzəli torpaqlarımızı geri qaytaracaq, şəhidlərimizin qisasını alacağıq. Hamılıqla Ordumuzun, dövlətimizin, Ali Baş Komandanımızın yanındayıq.

“Sevindiricidir ki, minlərlə azərbaycanlı müasir Azərbaycan Ordusunun sıralarında birləşərək Vətənin dar günündə səfərbər olur.

Bu gün mən də Vətənimin, həmyerlilərimin səsinə hay verərək, silahdaşlarımla, keçmiş döyüşçü dostlarımla birgə ərazi bütövlüyümüz uğrunda canımdan keçməyə hazıram”, - deyə C.Məmmədov fikrini tamamlayıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.