ELM VƏ TƏHSİL


Mədəniyyət və İncəsənət Universitetində rəssamın fərdi sərgisi açılıb

Bakı, 24 noyabr, AZƏRTAC

Azərbaycan Dövlət Mədəniyyət və İncəsənət Universitetinin (ADMİU) “Vernisaj” zalında bu ali məktəbin rəssamlıq fakültəsinin təsviri sənət kafedrasının müəllimi Xanım Məmmədovanın “İncə nəfəs” adlı fərdi sərgisi açılıb.

Universitetdən AZƏRTAC-a bildirilib ki, Xanım Məmmədovanı fərdi sərgisi və ad günü münasibətilə təbrik edən rektor Fərəh Əliyeva ona uğurlar arzulayıb. Digər çıxış edənlər də müəllifin yaradıcılıq fəaliyyətindən danışıb, ad günü münasibətilə onu təbrik ediblər.

Sərgidə rəssamın 30-dək rəngkarlıq və qrafika əsəri – “Zəriflik”, “İntizar”, “İncəlik”, “Sükut”, “Melodiya”, “Günəbaxanlar”, “Harmoniya”, “Ana uşaq ilə”, “Qız qalası” və s. nümayiş olunub.

Qeyd edək ki, görkəmli rəssamlar Mikayıl Abdullayev və Böyükağa Mirzəzadənin tələbəsi olan Xanım Məmmədova Azərbaycan Rəssamlar İttifaqının üzvüdür. O, 2007-ci ildən Azərbaycan Dövlət Mədəniyyət və İncəsənət Universitetində müəllim vəzifəsində çalışır, 2011-ci ildən isə Azərbaycan Dövlət Rəssamlıq Akademiyasının doktorantıdır. Rəssam mütəmadi olaraq yerli və beynəlxalq sərgilərdə iştirak edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.