CƏMİYYƏT


Media nümayəndələri üçün sənaye zonaları və aqroparklar mövzusunda təlim təşkil olunub

Bakı, 29 sentyabr, AZƏRTAC

Sentyabrın 28-də İqtisadiyyat Nazirliyinin İqtisadi Zonaların İnkişafı Agentliyi (İZİA) və Medianın İnkişafı Agentliyinin birgə təşkilatçılığı ilə media nümayəndələri üçün “Sənayenin müasir üsullar və yeni texnologiyalarla inkişafı: Sənaye zonaları və aqroparklar” mövzusunda təlim təşkil olunub.

MEDİA-dan AZƏRTAC-a bildiriblər ki, İZİA-nın Peşə Təhsil Mərkəzində keçirilən təlimdə qurumun şöbə müdirləri Emil Hacıyev və Amir Məmmədov “Sənaye zonalarında sahibkarlıq subyektinin inkişafı üçün əlverişli imkanlar, vergi və gömrük güzəştləri, rezident anlayışı və rezidentlərin qeydiyyatı proseduru”, “Kənd təsərrüfatında innovativlik: Aqroparklar” mövzularında təqdimatlar ediblər.

Tədbirdə mövzularla bağlı müzakirələr aparılıb, jurnalistlərin sualları cavablandırılıb.

Sonra İZİA-nın Peşə Təhsil Mərkəzinin direktoru Yadullah Babayev rəhbərlik etdiyi təhsil müəssisəsinin fəaliyyəti barədə iştirakçılara məlumat verib.

Təlimin sonunda İqtisadi Zonaların İnkişafı Agentliyinin İdarə Heyəti sədrinin müavini Fuad Məhərrəmov və Medianın İnkişafı Agentliyinin şöbə müdiri Natiq Məmmədli media nümayəndələrinə sertifikatlar təqdim ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.