ELM VƏ TƏHSİL


Məktəblilər arasında “Breyn-rinq” üzrə Azərbaycan çempionatına hazırlıq görülür

Bakı, 18 avqust, AZƏRTAC 

Bakı Şəhəri üzrə Təhsil İdarəsində (BŞTİ) “Bilik” kuboku və məktəblilər arasında “Breyn-rinq” üzrə Azərbaycan çempionatına hazırlıq çərçivəsində görüş keçirilib.

BŞTİ-dən AZƏRTAC-a bildiriblər ki, görüşdə təhsil idarəsinin sektor müdiri Şahin İsgəndərov, Təhsil Nazirliyinin nümayəndəsi Qeyrət Şirəliyev, İntellektual Klublar Assosiasiyasının və “Məktəblinin dostu” layihəsinin təmsilçiləri, o cümlədən məktəb direktorları iştirak ediblər.

Görüşdə məlumat verilib ki, Təhsil Nazirliyi və İntellektual Klublar Assosiasiyasının birgə təşəbbüsü ilə 2013-cü ildən reallaşdırılan “Breyn-rinq” layihəsi bu il də həyata keçiriləcək. “Bilik” kuboku və məktəblilər arasında “Breyn-rinq” üzrə Azərbaycan çempionatının televiziya çəkilişləri sentyabrın 1-dən 4-dək aparılacaq.

Tədbirdə çempionata hazırlıqla əlaqədar məktəb direktorlarına müvafiq tövsiyə və tapşırıqlar da verilib.

Qeyd edək ki, “Bilik” kuboku və məktəblilər arasında “Breyn-rinq” üzrə Azərbaycan çempionatının əsas məqsədi gənclər arasında intellektual hərəkatı inkişaf etdirmək, gənc nəslin biliyini genişləndirməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.