İDMAN


“Milan” səfərdə “Samdoriya”nı böyük hesabla məğlub edib

Bakı, 30 iyul, Nicat Məmmədov, AZƏRTAC

İyulun 29-da İtaliya A Seriyasının 37-ci turunun növbəti oyunları keçirilib.

AZƏRTAC xəbər verir ki, turun maraq doğuran görüşü “Luigi Ferraris” stadionunda baş tutub.

Son vaxtlar yaxşı oyunu ilə diqqət çəkən “Milan” səfərdə “Sampdoriya” komandasının qonağı olub. Görüş Milan təmsilçisinin 4:1 hesablı qələbəsi ilə başa çatıb. “Rossoneri”lərin heyətində Zlatan İbrahimoviç (2), Hakan Çalhanoğlu və Rafael Leao fərqləniblər.

“Milan” 11 oyundur məğlub olmur (8 qələbə, 3 heç-heçə). Bu qələbə sayəsində “Milan” xal ehtiyatını 63-ə çatdıraraq altıncı pillədə, “Sampdoriya” isə 41 xalla 15-ci yerdə qərarlaşıb.

Çempionluğunu vaxtından əvvəl - keçən tur təmin etmiş “Yuventus” səfərdə “Kalyari” klubu ilə görüşdə məğlub olub - 2:0.

UEFA Çempionlar Liqasına vəsiqəsini təmin etmiş “Latsio” öz meydanında autsayder “Breşiya” klubunu qəbul edib. Görüş paytaxt təmsilçisinin 2:0 hesablı qələbəsi ilə başa çatıb.

“Latsio”nun heyətində Xoakin Korrea və Ciro İmmobile fərqləniblər. C.İmmobile cari mövsüm vurduğu 35-ci qol olub. O, “Qızıl buts” mübarizəsində “Bavraiya”nın polşalı hücumçusu Robert Levandovskini (34 qol) qabaqlayıb.

Qeyd edək ki, A Seriyasının sonuncu - 38-ci turu avqustun 1-2-də keçiriləcək.

Otuz yeddinci turun digər oyunlarında aşağıdakı hesablar qeydə alınıb:

“Hellas Verona” - SPAL - 3:0;

“Sassuolo” - “Genoa” - 5:0;

“Udineze” - “Leççe” - 1:2;

“Fiorentina” - “Bolonya” - 3:0;

“Torino” - “Roma” - 2:3;

“İnter” - “Napoli” - 2:0;

“Parma” - “Atalanta” - 1:2.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.