MƏDƏNİYYƏT


Milli Kitabxanada “Abbas Zamanov – 110” adlı sərgi virtual rejimdə istifadəçilərə təqdim olunub

Bakı, 9 oktyabr, AZƏRTAC

Oktyabrın 10-da görkəmli ədəbiyyatşünas, tənqidçi, Əməkdar elm xadimi, professor Abbas Zamanovun 110 illik yubileyi tamam olur.

Abbas Zamanov ədəbi-elmi yaradıcılığa 30-cu illərdə başlamışdır. XX əsr Azərbaycan ədəbiyyatının böyük nümayəndələrinin ədəbi irsi haqqında tədqiqatlar aparmışdır. Xüsusilə onun C.Məmmədquluzadə, M.Ə.Sabir yaradıcılığının ədəbi-ictimai mühitlə əlaqəsi probleminə həsr olunmuş əsərləri ədəbiyyatşünaslığımızda sənətkar və onun yaşadığı dövrlə münasibətləri kimi yeni bir istiqamətin əsasını qoymuşdur.

Bu münasibətlə M.F.Axundzadə adına Azərbaycan Milli Kitabxanasının əməkdaşları tərəfindən ədəbiyyatşünas alimin həyat və fəaliyyətinə dair hazırlanan “Abbas Zamanov – 110” adlı sərgi virtual rejimdə istifadəçilərə təqdim olunub.

Kitabxanadan AZƏRTAC-a bildirilib ki, virtual sərgidə görkəmli ədəbiyyatşünasın fəaliyyəti ilə bağlı fotoları, mükafatları, müəllifi, tərtibi və redaktoru olduğu kitablar, haqqında yazılan kitab və məqalələr təqdim olunur.

Virtual sərgi ilə tanış olmaq istəyənlər http://anl.az/el/vsb/Abbas_Zamanov_110/index.htm linkindən istifadə edə bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.