DÜNYA


Misirdə pandemiya ilə əlaqədar yeni məhdudiyyətlər tətbiq edilir

Qahirə, 6 may, AZƏRTAC

Misirin Baş naziri Mustafa Mədbuli COVID-19 pandemiyası ilə əlaqədar tətbiq ediləcək yeni məhdudiyyətləri açıqlayıb. AZƏRTAC xəbər verir ki, hökumətin başçısı keçirdiyi mətbuat konfransında bildirib ki, mayın 6-dan 21-dək mağaza, restoran, kafe və kinoteatrların fəaliyyəti yerli vaxtla axşam saat 8-də dayandırılır. İaşə obyektləri sifarişləri evə çatdıra bilər.

Baş nazir əlavə edib ki, Ramazan bayramı günlərində parklara və çimərliklərə giriş qadağan ediləcək. Bütün ölkə üzrə konsert və digər mədəniyyət tədbirləri təxirə salınacaq. Mayın 12-dən 16-dək davam edəcək Ramazan bayramı günlərində dindarların məscidlərdə toplaşması da məhdudlaşdırılacaq.

M.Mədbuli qeyd edib ki, görülən tədbirlər pandemiyanın üçüncü dalğasının qarşısını almaq məqsədi daşıyır. O məlumat verib ki, mayda COVID-19-a yoluxanların sayı artıb və hər gün 60-dan çox ölüm faktı qeydə alınır.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.