DÜNYA


“Moderna” gələn il 3 milyard doza vaksin istehsal etməyi planlaşdırır

Bakı, 29 aprel, AZƏRTAC

Amerikanın “Moderna” kompaniyası 2022-ci ildə koronavirus əleyhinə vaksin istehsalını artıraraq 3 milyard dozaya çatdırmaq niyyətində olduğunu elan edib.

AZƏRTAC Interfax informasiya agentliyinə istinadla xəbər verir ki, bunu korporasiyanın Baş direktoru Stefan Bansel bildirib. Onun sözlərinə görə, “Moderna” kompaniyasının ABŞ və Avropadakı, o cümlədən İspaniya, Fransa, Belçika və İsveçrədəki investisiyaları peyvənd istehsalının artırılmasına imkan verəcək.

Bununla yanaşı, İsveçrədə yerləşən “Lonza” tərəfdaş kompaniyasında istehsal gücünü iki dəfə, İspaniyadakı “Rovi” kompaniyasında isə iki dəfədən çox artırmaq, həmçinin “Moderna” kompaniyasının ABŞ-dakı müəssisələrində 50 faiz daha çox peyvənd istehsal etmək planlaşdırılır.

“Moderna” eyni zamanda 2021-ci ildə əvvəlcə planlaşdırılandan (800 milyon doza) daha çox (1 milyard doza) peyvənd istehsalına nail olmaq niyyətindədir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.