İDMAN


Montsa 2024-cü ilə qədər Formula 1 Qran-Pri yarışlarına ev sahibliyi etmək üçün maliyyə vəsaiti alıb

Bakı, 7 noyabr, AZƏRTAC

Lombardiya İnzibati Vilayəti (İtaliya) Formula 1 Qran-Pri yarışlarını Montsada saxlamaq üçün növbəti 5 il ərzində əlavə 25 milyon avro pul ayırmağı öhdəyə götürüb.

AZƏRTAC “Corriere dello Sport” nəşrinə istinadla xəbər verir ki, kral yürüşləri mərhələsinin Montsada keçirilməsi barədə hazırda qüvvədə olan kontraktın müddəti 2019-cu ilin sonunda başa çatır.

Lombardiyanın idman üzrə müşaviri Martina Kambiaqi deyib: “Bu, ilk addımdır, çünki kontraktın müddətinin uzadılması və ən mühüm beynəlxalq idman hadisəsinin 2024-cü ilə qədər bizim ölkədə qalması bizim üçün prioritet məsələdir”.

Qeyd edək ki, İtaliya Qran-Prisi Formula 1 yarışlarının 1950-ci ildə keçirilmiş birinci mövsümündən başlayaraq, 1980-ci il istisna olmaqla, həmişə Montsada keçirilib.

Bir qədər əvvəl yayılmış məlumata görə, 2020-ci ildə Formula 1 yarışlarının təqviminə Vyetnam və Niderland Qran-Priləri də əlavə olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.