DÜNYA


Moskvada koronavirusun yayılması ilə mübarizə tədbirləri gücləndiriləcək

Moskva, 9 iyun, AZƏRTAC

Moskvada insanların sıx toplaşdığı yerlərdə, o cümlədən iaşə müəssisələrində, ticarət mərkəzlərində, gecə klublarında maska və əlcək taxılması rejiminə nəzarət gücləndiriləcək.

AZƏRTAC xəbər verir ki, bu barədə Rusiya paytaxtı Baş Nəzarət İdarəsinin rəisi Yevgeni Dançikov məlumat verib.

O xatırladıb ki, maska və əlcək taxılması rejiminin pozulmasına görə fiziki şəxslər üçün 4 mindən 5 min rubladək, hüquqi şəxslər üçün isə 300 mindən 1 milyon rubladək cərimə nəzərdə tutulub. İdarə rəisi şəhər sakinlərini aktiv şəkildə peyvənd vurdurmağa çağırıb.

Qeyd edək ki, Moskvada epidemioloji vəziyyət pisləşib. Şəhərdə koronavirusa gündəlik yoluxma 4 min nəfəri keçib. Bu, yanvar ayından sonra maksimum göstəricidir.

Moskva meri Sergey Sobyanin COVID-19 infeksiyasına yoluxma hallarının artmasına baxmayaraq, şəhərdə lokdaun tətbiq edilməyəcəyini bildirib. Eyni zamanda, Moskva hökuməti koronavirusla mübarizə üçün əlavə xəstəxanalar açmaq niyyətindədir.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.