REGİONLAR


Muxtar respublikanın Maliyyə Nazirliyinin tabeliyində çalışan dövlət qulluqçuları videotəlimə cəlb olunublar

Naxçıvan, 29 iyun, AZƏRTAC

Naxçıvan Muxtar Respublikası Maliyyə Nazirliyi yanında Maliyyə Tədris Mərkəzində keçirilən “Dövlət qulluğunda etik davranış qaydaları” adlı videotəlimə nazirliyin tabeliyində olan rayon və şəhər idarə və şöbələrində çalışan 20 dövlət qulluqçusu cəlb olunub.

AZƏRTAC-ın Naxçıvan bürosu xəbər verir ki, təlimin əsas məqsədi dövlət qulluğunda etikanın əhəmiyyəti, dövlət qulluqçularının riayət etməli olduğu əsas etik davranış qaydaları barədə dövlət qulluqçularını məlumatlandırmaqdır.

İlk olaraq Maliyyə Tədris Mərkəzinin əməkdaşı Zəhra İsmayılova iştirakçılara təlimin mahiyyəti və aktuallığı barədə məlumat verib. Sonra təlim Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiyanın baş məsləhətçi-hüquqşünası Türkan Gülməmmədlinin “Dövlət qulluqçularının etik davranış qaydaları” mövzusunda çıxışı ilə davam edib.

Sonda iştirakçıları maraqlandıran suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.