“Azərneftyanacaq” neft emalı zavodunda yeni estakadanın tikintisi başa çatmışdır. Müəssisənin emal etdiyi neft məhsulları bundan sonra sisternlərə burada doldurularaq yola salınacaqdır.

Zavoddan AZƏRTAC-a bildirmişlər ki, əvvəllər hazır məhsul müəssisədən 34 kilometr aralıda olan Güzdək stansiyasına göndərilir və yükləmə əməliyyatı orada aparılırdı. Bu, əlavə nəqliyyat xərclərinə, bəzən müəyyən miqdarda yanacaq itkisinə səbəb olurdu.

Neft məhsullarının bilavasitə zavodun ərazisindəki estakadadan yüklənib yola salınması müəssisəni əlavə xərclərdən və mümkün olan hər hansı itkidən azad etmişdir.